ᐊᑏ-ᒎ ᑕᑯᒃᓴᑎᒍᑦ ᓯᐊᒻᒪᖅᑎᑦᓯᓂᖅ ᐱᓕᕆᐊᖃᖅᑎᖏᑦ ᐊᐱᕆᔭᐅᓯᒪᓕᓚᐅᕐᒪᑕ ᐃᑲᔪᕈᓐᓇᕆᐊᖏᑕ ᐋᖅᑭᒃᓱᐃᓂᕐᒥ ᐊᒥᓱᕐᓚᐅᓪᓗᑎᒃ ᐊᒥᓱᐃᑎᒍᑦ ᐅᖃᐅᓯᖅᑎᒍᑦ ᐅᖃᓕᒫᒐᕋᓛᓕᐊᓂᒃ ᐱᔾᔪᑎᒋᓯᒪᓗᒋᑦ ᐊᔾᔨᒌᖖᒋᐅᖅᑐᑦ ᐱᓕᕆᐊᖑᔪᑦ ᑎᒥᖁᑎᐅᔪᒥ ᐃᓚᖃᖅᑎᓪᓗᒋᑦ ᐃᓄᓐᓂᒃ ᐃᖅᑲᓇᐃᔭᖅᑎᑖᕐᓯᒪᓕᖅᐸᓐᓂᕐᓄᑦ, ᐃᓕᓐᓂᐊᕈᑎᒋᓯᒪᓪᓗᒋᑦ ᐃᖅᑲᓇᐃᔮᑦ, ᐊᒻᒪᓗ ᐆᒻᒪᖁᑎᓕᕆᔾᔪᑎᓂᒃ ᓴᕕᒐᐅᔭᓕᕆᓂᕐᒥ ᐋᓐᓂᖅᑕᐃᓕᒪᔾᔪᑎᓄᑦ.

ᐱᓕᕆᐊᖑᑲᐃᓐᓇᖅᑐᖅ ᐱᒋᐊᕈᑎᖃᓚᐅᖅᑐᖅ ᐊᔾᔨᓕᐅᕆᕙᓪᓕᐊᓂᕐᓂᒃ ᓄᓇᒥ ᐱᓕᕆᕝᕕᐅᔪᒥ ᐊᒻᒪᓗ ᐱᓯᒪᓕᕈᓐᓇᓚᐅᖅᓱᑎᒃ ᐊᒥᓱᕐᓚᐅᔪᓂᒃ ᐱᓕᕆᕝᕕᐅᑉ ᐃᓗᐊᓂ ᐊᒻᒪᓗ ᓯᓚᒥ ᐊᔾᔨᓕᐅᖅᑕᐅᓯᒪᔪᓂᒃ ᖃᐅᑕᒫᑦ ᐱᓕᕆᓂᕆᕙᒃᑕᖏᓄᑦ ᑎᒥᖁᑎᒋᔭᐅᔪᓂᑦ ᐊᔾᔨᒌᖖᒋᐅᖅᑐᓂᒃ. ᐃᓄᓪᓚᑦᑖᓂᒃ ᐊᑐᓚᐅᖅᑐᒍᑦ ᓴᖖᒋᒃᑎᒋᐊᒃᑲᓐᓂᖅᑎᑕᐅᖁᓪᓗᒋᑦ ᓇᓗᓇᐃᒃᑯᑕᐅᕙᑦᑐᑦ ᐊᒻᒪᓗ ᐊᒥᓱᖖᒍᕆᐊᖅᓯᒪᓕᖁᓪᓗᒋᑦ ᐱᓕᕆᓂᖃᖃᑕᐅᕙᓐᓂᖏᑦ ᑐᕌᕐᕕᐅᓪᓗᑎᒃ ᐅᖃᓕᒫᖅᐸᒃᑐᑦ ᐱᔾᔪᑎᒋᓪᓗᒍ ᑕᐃᒪᓐᓇ ᐊᑏ-ᒎ ᐱᐅᓂᖅᐹᑎᒍᑦ ᐱᓕᕆᔾᔪᑎᖃᖅᐸᓐᓂᖏᑕ.

ᑕᐅᑦᑐᕆᔭᖏᑦ ᐊᒻᒪᓗ ᖃᓄᐃᓕᖓᓂᕆᔭᖏᑦ ᐃᓚᖃᓚᐅᖅᑐᑦ ᐋᖅᑭᒃᓱᐃᓂᕐᒥᒃ ᐊᒥᓱᕐᓚᐅᓪᓗᑎᒃ ᐃᓕᑕᕆᔭᐅᓯᒪᓪᓗᑎᒃ ᐃᖅᑲᓇᐃᔭᖅᑎᐅᔪᓂᒃ ᐱᔾᔪᑎᖃᖅᑎᐅᑎᑕᐅᓪᓗᑎᒃ ᓱᓇᓕᕆᔨᐅᓪᓗᑎᒃ ᓴᓇᔨᐅᓂᖏᓐᓄᑦ ᐃᓕᑕᕆᔭᐅᔪᓐᓇᑦᓯᐊᖅᑑᑎᑕᐅᓪᓗᑎᒃ ᐊᑐᓂ ᐅᖃᓕᒫᒐᓕᐊᖑᓯᒪᔪᓂ ᐊᒻᒪᓗ ᓯᕗᓂᐅᓂᐊᖅᑐᒥ ᓴᓇᐅᒐᓕᐊᖑᓯᒪᓕᕈᒫᖅᑐᓄᑦ. ᑖᓐᓇ ᐱᓕᕆᐊᖑᑲᐃᓐᓇᕐᑐᖅ ᐃᑲᔪᖅᑐᒐᐅᓯᒪᒻᒪᑦ ᐋᖅᑭᒃᓱᐃᓯᒪᓕᕆᐊᒧᑦ ᓇᓗᓇᐃᒃᑯᑕᑎᑐᑦ ᐋᖅᑭᒃᓱᖅᑕᐅᓯᒪᓂᖃᕐᓗᓂ ᑐᑭᒧᐊᒍᙱᒃᓴᐅᓂᐊᖅᑐᓄᑦ ᑎᒥᖁᑎᒋᔭᐅᔪᓂᑦ.